mánudagur, september 26, 2005 :::
 
Hæ,
Ég vil endilega benda lítilmögnum og smælingjum, sjúkum og sárþjáðum á Félagsmálaþjónustu Morgunblaðsins. Þar er hægt að fá sérfræðiráðgjöf af ýmsum toga, láta sjá um hvers kyns pappírsvinnu fyrir sig, komast í samband við illskeytta lögfræðinga og harðsvíraða sérfræðinga í ýmsum greinum, sem setja allt í gang samstundis og ýta öðrum smámálum til hliðar. Þar hlusta menn á kvartanir og klögumál, sem búið er að ganga með árangurslaust milli kóngs og prests, milli Heródesar og Pílatusar. Þar er strax gengið í málin og þeim komið rétta boðleið með liðtækri aðstoð áhrifaríkra einstaklinga úr æðstu röðum. Svo er líka hægt að fá næturgreiða í leiðinni.
Við skulum sniðganga vesælar félagsmálaskrifstofur R-listans og láta félagskjaftæði einhverra vinstri og miðjuflokka eiga sig. Göngum beint í félagsmálapakkafaðm Moggans!
Kveðja,
Bekka

::: posted by Bergthora at 4:48 e.h.